.
 کد مطلب : 300         گروه :  300         تاریخ انتشار :  ۲۸ دی ۱۳۹۴         دیدگاه :  بدون دیدگاه       

ما قاله الشعراء فی رثاء الراحل ملافاضل السکرانی

رِحت لکَربَله زایِر و جِلَست بمَجلِس حلولی حِچَو و آنه حچیت اَبیات واکثَر دَرُب فِتحُولی حچیت اَبیات لِلمُلا وَحَگ اِحسین گَلّوُلی : خَیعُونه الدیره اِلحَط بیهه ( عبدالخالق البوعلی ) *** مو کافی ؟ یا باب الحزن سکرانی مِن هَمَّک اِعگول البَشَر سکرانی مِن رَحَل مُلا فاضِل السکرانی إتلَگُّوه طاها و البَتول و حَیدَر ( […]

DSC_1362

رِحت لکَربَله زایِر و جِلَست بمَجلِس حلولی
حِچَو و آنه حچیت اَبیات واکثَر دَرُب فِتحُولی
حچیت اَبیات لِلمُلا وَحَگ اِحسین گَلّوُلی :
خَیعُونه الدیره اِلحَط بیهه
( عبدالخالق البوعلی )
***
مو کافی ؟ یا باب الحزن سکرانی
مِن هَمَّک اِعگول البَشَر سکرانی
مِن رَحَل مُلا فاضِل السکرانی
إتلَگُّوه طاها و البَتول و حَیدَر
( الاستاذ جابر الکاظمی – لندن )
 
***
کِل العالَم ابفَرگاک فاضِل بالحِزِن أذّن
شَرق الاوسَط الیِنعاک او یَت اتعازی مِن لَندَن
صیتَک وِصَل کِل ابکان وابیوم المِتِت بَیَّن
صُوبِین الدنیه الحَزنانه
( محی چاملی )
***
رَمِز بیت البوذیه ملّه فاضل
وبَحَر شِعره ابشهامه ملّه فاضل
چِذِب بیت البوذیه مَلّه فاضل
تَخَاوه اویاه حَد یوم المنیه
( ناصر الزرگانی )
***
قَمضَت عین القَوافی وحِزنَت اَوزان الشِعِر
الفگَد خَیّال القَصیده الچان هِیبه الهه و سِعِر
لِطَم فوگ الراس قَلمی او نِشَف حتّه امنِلحِبِر
یِلطُم لِفراگ السَکرانی
( سلمان راشدی – الاهواز )
***
اتخَربصَت اَوزان شِعری والقَریحه ادّوهِنَت
اتنَگَب الموال بِلحَد والقَصیده اتعَصّبَت
والابوذیه اِعله فَگدَک فاضِل ابهَم انحِنَت
مِن شافَت نایِم راعیهه
( سلمان راشدی ابوداود – الاهواز )
***
نَکبه اردود حاشَتِچ یَمِلّه
وتِخَصبَگ شِعِر مَعشَرنه یَملّه
الشِعِر بَعدَک غِده السانی یِمِلّه
یَل موتَک کِتَل کِل شِعِر بیه
( سعید بن إجباری النصاری – عبادان )
***
مِحِزنه الوَمظه اعله موده وبیت الابوذیه ابحِزِن
وحِزنَت الاوزان کِلهه نایِحه وگامَت تِوِّن
آه فجعَت مُله فاضِل الدَمِع حَن لِجِّفِن
حَنَّت مَسجون اِعله اَطفاله
( علی اهلیل )
***
شبه گَلبی الرَواسی ما تملاک
جلد و الروح یا هم ما تملاک
یَشِعری اِعلِن حِدادَک مَات مُلاک
تَراها اِتیَتِمَت عِگبه الاَبوذیه
( سهام کعبی )
***
ظَعن البِین یافاضِل بکسره
الشِعِر بَعدَک شِبَش فَتحه بِکَسره
اِنکِسَر صور الشِعِر لَجلَک بکسره
تِطَشَر کِل شَطر صار ابشِظیه
( بدر نصاری – مدونة فلاحیتی )
***
اببَردَة شِته و ظَلمَة لیل وَلما
یِکِت مِن المزن والحِزِن ولما
حِدی فاضِل ابعیس البِین وِلما
دَرا ابأَلمه استِمَر بِدروب غَیّه
( بدر نصاری – مدونة فلاحیتی )
***
القَلَم هاضَت اجروحا وموگَد ابروحه التَهَب
اتنَگُبَت عِدنه القَوافی و الشِعِر طاح و نَحَب
فاجئَت ساحة شِعِرنه چَن وَطن فاگِد شَعَب
مِتعَصِب شِعر الاهوازی
( مصطفی الهلیچی )
***
الفَگده الشِعِر ضَل اینوح وتِلطُم کُل قوافیّه
والهوسه إمحَزّمه اتطوّح و یَزّاله الابوذیه
والقصیده امطَیِّنه واتصیح یاشِعر الفلاحیه
گِل فاضِل خَل ایتانینی
( سعید غابشی الطرفی )
***
شاع الخَبَر بِلدورَگ واهتَزَت نَواحیه
فارَگها ملافاضل او خَلاها الفلاحیه
تِدری الخَبَر اذّاها واهتَزَت شواطیه
لو فارگها و ما مَر بیهه
( مشتاق محمد زنبوری )
***
یبچی الشِعِر و الهوسات لستادالابوذیه
نَعَش ملّه فاضل إمن انشال حِزنَتله الفلاحیه
أمیر الشِعِر دوم ایظل ونصیح ابنَخوه عربیه
والمُلّه الهوسه امبچیهه
( نادر جنامی )
***
صُبَح مَجد العَرَب ینعی و تصیح اهل الفلاحیه
عَمیدچ ملافاضل شال وَداعاً یالابوذیه
بِفراش السُگُم شِفته ولافارَگ الچَفیه
چَفیته الزَرگا إعله الهامه
( عبدالخالق البوعلی )
***
مِن فیض شِعرَک یا بَحَر ، بَحر الشِعِر فاضلنه
انته انشَرِت صیت الاَدَب و انته اصبَحِت فاضلنه
اسمَک یضل طول الدَهَر رمز الشِعِر فاضلنه
یَل ابوذیتَک تِشفی و اتسِر الگَلب و اتداوی
( عدنان السرحان )
***
امچید فَگدَک ملافاضل و الادَب یشچی إبالَم
الیوم یَتَمت القَصیده ونَشَّفِت حِبر القَلم
دَولَت الاشعار حِزنَت نَکِّسَت بیها العَلَم
والشاعر مِحزِن خلیته
( عادل صخراوی )
***
یَدورَق غَرَّب الّی چان رافع صیتِچ وصیتی
شال الّی تِغَزَل بیچ اَحبِچ یافلاحیتی
اشیلن بِلحِزن ویاچ اِجیت ابزوُد عربیتی
و الفاضِل حزنانه اهوازی
( عادل صخراوی )
***
اعتِقِد کِل عِگل یِقنَع ولعیون الشایِفه
ملافاضل مو بَس العَمامه فَیته عِد کُل طایفه
إمضیفه ما سَد باب جُوده الگی المَن عایفه
گِتلهُم مهدی بمچانه
( حبیب ابوعدنان مزرعه )
***
فِگَد شَعب المَجِد شاعِر و مله
ولاتگله ابزل حچی شعره ومله
ابعمق قاموس مِن یِکتِب ومله
شمل فاضل حِمَل فَهم الابیه
( رحیم زنبوری )
***
ضَل اله الموال یِبچی وبیت ابوذیتی ابحِزِن
وفَزَّت الوَمضه ابرَحیله و شِعری مَاضَل بی وزِن
شَعب الاهواز اعله فَگده دَمعه کَت کَت المَزِن
وتیَتَّم شِعر الاهوازی
( احمد الحاج سبهان الحزباوی )
***
انکِسَر ظَهر الشِعِر هَلیوم مو بَس الابوذیه
گوم اگعِد یفاضل شوف یَتَّمت الفلاحیه
شِلِت وهتَزَّت الارکان صارَت عالوطن فیّه
لَن فاگِد خَیَّاله من ایده
( علی یبر الحزباوی )
***
چَن نایم و اجتنی ابلیل تِنشِد بیک قافیه
لِطمَت یَمی صاحت حیل شو فاضِل گطَع بیه
گِلتِلهه عَدِل ما مات خَیَّال الابوذیه
عادِل موجود و مَهداوی
( حسن الطرفی )
***
بَحَر مَد مایِزر لحظه وفاضل
فَخَر مِن الوفه وشَیَّد وفاضل
اِحدیثَتنه الابوذیه وفاضل
سِتَرهه ابحِبِر ما حَبَت ردیه
( عبدالخالق چاملی )
***
دیوانَک وگَع مَهظوم یِصرَخ مِن گِشَع بیته
او هَد حیل الشِعِر بِجفاک طاح اعگال چَفیته
یِحچی ابلاوَزِن وینوح وتخَربصَت قافیته
مِدّوهِن عُگب السَکرانی
( حسین سلامی )
***
خَرِّطَت خَدهه القَصیده او شَگِگَت زیج الثیاب
وصِرخَت الابوذیه بسمَک مِن لِطَم بیت العِتاب
چَنّه مَوالَک یِحَشِم وابحِزِن شَد النگاب
دیوان أشعارَک هَد حیله
( حسین سلامی )
***
الوَفی لو یِرحَل وَفا ضِل
کاسِر عَل رَبُع دایِم وفا ضل
فاجِد والشِعِر صَبَّح وفاضل
ابومهدی اشیِسِد فَیته عَلینه
( حجی فاضل الحمیدوای )
***
بِچَت هلیوم القَوافی و بِچَت اعیون الشِعِر
حَتی قَلمی الیوم حازِن صُبَح یبچیلَک حِبِر
تِضل تِنعی الحروف اعلیک ویِضل گَلبی مِستِعِر
مایِبرَد تِلهَب نیرانه
( توفیق الامیری )
***
یا رَمز الاطیاب یَل شَخصَک بَحَر فاضله
مِن مَعرفه و طیب و اخلاق و شِیَم فاضله
یافاضِل البِالفَضل فاضل چِذِب فاضله
یَل روض فَضلَک یفوح ابکِل عَطِر طیبه
یاصاحب الطیب یَل مایِنّسی طیبه
اقسِم بطاهه النَبی الطیب ارض طیبه
انته الشِعِر بَس الَک واسمَک صبَح فاضله
( مهدی الملافاضل السکرانی )
***
امطَیَّن شِفِت شایِب شِعِرنه وعیونه تِتهاطَل دَمِع
گِتله اشجرالک یا شِعِرنه شو اشوفَک مِنفِجِع
گَلّی یَبنی ابفَگِد فاضِل چَن اَحِسن بی ضِلِع
إتفَلَّش مِن مات اعضیدی
( جاسم ابوعثمان الهاشمی )
***
ملافاضل ابوذیتَک عِدنه ماتبگه اعلَوَرگه
اگلاده مِن ذَهَب الثَقافه ابرگبَت الاهواز تبگه
منته بَس بِلشِعِر مُبدِع حتی چَفیتگ الزَرگه
چانت لَفَّتهه اِشمَحلاها
( رضا الرمضان )
***
فاضل راح
و أخو خلّي علی الخيرات ما دلّی و لا أشّر
و دّعنا و بعدهي بالجهل تنبض عروگ الشر
و ولا چف هز لوا بغيره و جدم گصدت لقاء البر
 و بغدر  جَردَت ،  نخلنا من الوفه ، الأرياح

فاضل راح
ودّعنا  و وَ لا شاف بسما العِز إزهرت زُهره
و و لاشاف السلف طر لحده وکشف گبره
راح ال گال جسر العمر اوصيک  بعگل عبره
راح و مَلک آمال روحه  من العرش طاح

فاضل راح
لچن بعده ثمر شجر اليَهل للربع گوت
راح أملنا ومن هو بعده يصرخ بوجه السفه  : موت؟؟
شهيد الضاد سميته و أظل انحب عليه بصوت
هَم فگد شاعر بلادي ، چذب  بالأشعار  ينزاح

فاضل راح
و بعدهوا مختلط حابل خلف أهلي بنابل الفتنه
و تنيّب ساگ رجتنا يَاخوتي بناب هـ الفتنه ال لفتنه
خساره چبيره هـَــ الفتنه ال لفتنه کلفتنه
جفتنا ايّامنا  الحلوه و دمعنا علی الوجن ساح

فاضل راح
راح ال چان ايگول الناس ماتعلی بإسم و ألقاب
ودعنا و يمل فرحة سلفنه بالوحل عاب
ترکنا ياحسافه ونور گعدات السمر غاب
شي نشّف جرح فگده و لچم من حل الجراح

فاضل  راح
لچن بکل گلب تبگی « أحبچ يا فلاحيتي »
ولو صوفر سعف نخلات ال شتلهن خالنا سبيتي
و تگول ام عيد يوم العيد اريد عويّد ببيتي
 و لو مَا أحد يرد ع الصاح :«وينه ال علي صاح »

فاضل راح
لچن يبگی الشعر بگلوب الخلگ مطبوع
و يبگی بيته ال شاع ، بين أهل الأدب والشعر مسموع
لأن بظلمة الدنيا شعل ابيات شعره شموع
و جعل قدّاح  أبوذيته المنير بکل وکت للناس  فوّاح

توفيق النصاريّ
 
***
 
اَحِس بَحر الشِعِر هَلیوم قَلما
 
طفَح چی لَن صُبَح مَکسور قلما
 
اشما شیطان شِعری الیوم قلما
 
وَفی ابحَقّک یَبو ذات الوفیه
 
( عظیم البوخنفر ابوتوفیق )
 
***
 
یَستاذ الشِعِر تانی یَفاضِل
 
جِفِن وعبیط مِن بَعدَک یفاضل
 
ینادی الوزِن ضَل صوته یفاضل
 
وبِچَن قوافی شعر الابوذیه
 
( شهاب العاشوری )
 
***
 صُبَح دُورَگ هَلی مَنیوب وطریق الحِزِن یِندَلّه
 
والگُمگُم فارَگ الدیوان وبَعَد یافئت الدَلّه
 
الشاعر قَلمه ضَل ینعاک وبدورَگ قِدَت خِلّه
 
مِحتاز المُلّه و بُوذیته
 
( علی اهلیل )
 
***
 
الشِعِر خَر مِحنی ظَهرا و جَف أسف حِبر القَلَم
 
و شَگَّت الزیج القَصیده و لِبسَت احداد الألم
 
یِنعی حَدنه الملافاضل و المَجِد تاجه انثِلَم
 
و بفَگده العِز ذَب اعگاله
 
( سید رضا النزاری )
 
***
 
فاضل شال یا هَلناس ونشال
 
و احِس الگلب طَگ بی عِرِج ونشال
 
دِ خَل نِرحَل بَعَد یا ناس ونشیل
 
ابغیاب المُلّه رَک الحیل بیّه
 
( رضا عساکره )
 
***
 
شال مِن دورگ اهَلنه استاد الابوذیه
 
وسکرانی سَد عینه و حِزنَتله الفلاحیه
 
علیه الشِعِر ضَل حَزنان و حَزنانه قوافیه
 
واستاد الدورَگ سَد عینه
 
( شرهان خضرایی ابوحسن )
 
***
 
حِزَن شِعر العَرَب هالیوم کِله و زادَت احزانی
 
یَتَمت الغَزَل بِجفاک بُویه ایصیح سَکرانی
 
الابوذیه بِچَت یا حیف اتگول الدَهَر فرانی
 
یا هوسه ابدَچتِچ واسینی
 
( احمد الامیری )
 
***
 
امغَیِّم سِمه الدورَگ وَحِس الروح مَگضیه
 
ابفَگِد فاضِل ابهَلیوم حِزنَتله الفلاحیه
 
ابنَعش مِن شالوک اصیحَن حِیل مابیه
 
یَدّورَگ فاضِل فِگدیته
 
( جاسم بشیری )
 
***
 
یِبچی الشِعِر و الهوسات لستاذ الابوذیه
 
نَعَش مُلّه فاضل إمن انشال حِزنَتله الفلاحیه
 
أمیر الشِعِر دُوم ایظل وِنصیح ابنَخوه عُربیه
 
والمُلّه الهوسه إمبَچیهه
 
( نادر جنامی )
 
***
 
بَحَر شِعرَک یَفاضِل عیب قَلما
 
وکِتَب چَفَک دَرِس مِن لِزَم قلما
 
یَشاعِر هاذ وَکتَک گوم قلما
 
تشاء ابحَق رَمِز بیت الابوذیه
 
( مرتضی زرگانی )
 
***
 یظل بیت المَجِد مَهیوب بِسمَک فاضل الملّه
 
امیر الشِعِر انته اتضل واسمَک یضل یتعَلّه
 
ابیات الشِعِر تبقی دور ودیوانک بقه ابعله
 
مِن شافَک ضَل شَگَگ روحه
 
( رضا عساکره )
 
***
 
یَم الشِعِر و الهوسات ابصیتِچ یِرتِفِع صیتی
 
ومِثِل ما مُلّه فاضِل گال : احبِّچ یافلاحیتی
 
عِرج الفَخَر و النوماس های انتُم أهالیتی
 
إدّورَگ بیتی و آنه إربا
 
( رضا عساکره )
 
***
 
اتکَلکِدَت کِل القَوافی و قَلَم کِل شاعِر بِچه
 
و اَسمَع اببیت العشیراوی ابحَگ ابومهدی اشحِچه :
 
« الدَمِع دایر علی جِفنی وفاضل
 
لبوچَف الصخی وجوده وفاضل
 
قَصیده املَثمه تِنعه وفاضل
 
عَلی اوساد النَعَش تبچی الابوذیه »
 
مِن زِغر اسمَعِت گالوا الشِعِر صوبه انتچه
 
ودَکتور الکِلمه اسّکرانی
 
( شرهان العشیراوی )
 
***
 
گوم شِم خَد می یَمُلّا جَتَک إمخَرطه الخدود
 
مو گِلِت لو مَیِّت احیا ابشَم وَجِنهه أرجَع اردود
 
ادموع مِن خَدهه اتهاطَل تِنعَه سافَر مایعود
 
یِستاهِل مِن دَم تبچیله
 
( ابراهیم بدوی رداً علی ابوذیه الملا :
« لولو ارمی او بحشای میت
 
سهم ووگع شبیه الوگع میت
 
انط بس اسمع ایگولون میت
 
ابشم خد می ترد الروح بیه »)
 
***
 اِنهِدَم بیت القَصیده و القوافی اتدَمُرَت
 
ناح مَوال إعله مودک والابوذیه اتیَتِّمَت
 
تِدری یافاضل الهوسه ابمُوتِتَک مِن دَم بِچَت
 
تلطُم عَل راس الیَزّاله
 
( مرتضی ابوحیدر غوابش)
 
 ***
یاملّه کل شِعرَک جَمیل و بیه انه اتولعت
لچن حیرتنی ابوذیه مِن شفتهه اتعَجَبِت :
« عِسُر سیری ابرَکُب شِعری و لا احدی
و أحِس أگضی بظُهُر سَبتی و لا احدی
أبات اَتحَلَم بموتی وَ لِحدی
الحِلِم ما هو حِلِم بَل عِلِم لیه »
احساب انک تِعلَم ایصیر موتَک بِلسَبِت
و ما توصَل حَد یوم الثانی
( حسن ابو اسیاد )
***
انفِجَع هَل یوم الشِعِر یهواز فاضِل مِن قَمَّض اعیونه
تبچی و تِهِل دَم القوافی اویا بل گبُر طِمونه
لچن ما مات الشِعِر هیهات بعدهی امشَعشعه افنونه
دَچَّت بِل مَلعَب ویه الیزاله
( جاسم ابوعثمان الهاشمی )
***
الشِعِر مِنَک فلا واحد یِمِلّه
یاعالم علم شعبی یملّه
یَجِب تِمثال نجعَلّک یملّه
ابوسط اگلوبنه وننعه ابعزیه
( سالم حبیب البوخنفر )
***
القلم هاضت جروحه وموگَد ابروحه التهب
إتنَگبَت عدنه القوافی و الشِعِر صاح و نَحَب
فاجئت ساحة شِعِرنه چَن وطن فاگِد شَعَب
ومتعصب شِعر الاهوازی
( مصطفی الهلیچی )
***
تِگَلگَل یاجبل حیلی ترادم
إسم فاضل یظل شامخ ترادم
إعروگ آنه و یظل شِعره ترادم
یدور اشمایدور الوکت بیه
( عادل خلف الساری )
***
ما لومک یجفنی من تهد دم
ولو بعروگ جسمی منتهی دم
جبل فاضل یخوتی من تهدم
هِدَم حیلی وخذاه اویا سویه
( ابو وسام الطرفی )

بدون دیدگاه