.
 کد مطلب : 290         گروه :  290         تاریخ انتشار :  ۲۷ دی ۱۳۹۴         دیدگاه :  بدون دیدگاه       

یوم الطف لوی التوحید / قصیده فی حق أبی الفضل العباس (ع)

یوم الطف لوه التوحید شیّال العلم شاله شاله الحید أبو فاضل اللّاح ابظهر الخیاله *** لاح ابظهر الخیاله لا چنّه اشفعل من لاح خر چالصاجعه اعلَی الگوم لو مثل الشهاب الصاح تلفي غایره الفرسان و تکع ابعجل لو صاح سم الخیل أبو فاضل و سمّ الفزع و سلاله *** سم الخیل بالمیدان ینشبها الرهگ و […]

IMG_0104

یوم الطف لوه التوحید شیّال العلم شاله
شاله الحید أبو فاضل اللّاح ابظهر الخیاله
***
لاح ابظهر الخیاله لا چنّه اشفعل من لاح
خر چالصاجعه اعلَی الگوم لو مثل الشهاب الصاح
تلفي غایره الفرسان و تکع ابعجل لو صاح
سم الخیل أبو فاضل و سمّ الفزع و سلاله
***
سم الخیل بالمیدان ینشبها الرهگ و الویل
تغدی اذیاه بالوادیان لو عزّم علیها ایمیل
الهم ما ثبت درچال درچال الثجیل ایشیل
یومٍ صال چم درچال درچال هزّه و زلزله و زاله
***
صال ابعزم أخوه احسین و بصولة علي الکرّار
حط بالگوم رجفه و لوم سوّه الصار أبد ما صار
طوس و روس ألوف الشوس شگهن طبگ بالبتّار
شگ شل نار شَب سَم ذب ابدلّال الدِنه و یاله
***
جال ابگلب گلب الجیش و تگلّب علَی الجنحین
فات اعلَی الطغات البات بِالشر شورها الَی احسین
ولّت فارّه الجیمات ماتدری النجاة امنین
ذلت من ضرب صمصام عزمه و طعن عسّاله
***
بالصمصام گطِ الهام سوّا شبه گط أقلام
خلّه الصید بگصه البید تربی ابعید للضرغام
خط خطّة حتف بالسیف و بحدها ایتبختر گام
من یگرب الحدّ اللّیث لیث الهاج بشباله
***
ما تدری اشفعل بالگوم أبو فاضل ابذاک الیوم
فصّل للگروم اهدوم و سمّها ابمخازي و لوم
سوّه من العجاج الهاج أمواج و عجدها اغیوم
و بلیل العجاج الماج یسطع بس بگه اهلاله
***
زینب موچبه اتحیّیه و تشیمه و غدت تنخاه
انته الکربله مذخور من عودي الصعب ملگاه
یا راعي الفخر فخرک ابفعل امهنّدک معناه
و الفعّال یظهر حال مجده ابجیّد أفعاله
***
وُم چلثوم حیّته و تهلهل ظلت اُم چلثوم
و تگله  یراعي الباس یا ضنوة علي المعلوم
 مثلک هیچ أخو ما صار ینصی و یفرث الصمصوم
یا راسي الرفع للغیم راسي و بالفخر شاله
***
یا راسي الرسه یا سور عِزي و هیبتي و رجواي
یا ذخری الأزامط بیک یا فخري و أمل نخواي
عُود الثایتک بالماي من جودک نرید الماي
سدّر هاذ أخوک احسین تبچي من الظمه أطفاله
***
یوم السمع هزّ السیف و تچنه ابأبوه الحید
دگ بالأرض رجله ابزود من باسه و دعاها اتمید
زلزل جیشها ابصرخات شبه الصاجعه  من ارعید
والجیش الزحف ینزاح لو حل بیه زلزاله
***
سدّر مگصده الصیوان و معزّم یوصل الجود
و آمر بن سعد عالجیش یرجعله و علیها ایعود
بحتوف و قنه و بسیوف درب المشرعه مسدود
بالعسکر عاد اردود للحومه و تعنّاله
***
من شاف العساکر لیه متجدمه ابنبل و رماح
لاح اخیالته و من لاح طفّحها و چدسها و صاح
آنه ابن الوصي الوضاح عودي المرتضی المصباح
حیدر ذاک و آنه ابنه الذخرني الهاذ وَ مثاله
***
ذاخرني الهاذ الیوم أبذل مهجتي للدین
دین الله العله ابمجهود أبوي المرتضی و یاسین
و الواجب أضحّي الروح وَ فدیها الأخوي احسین
ضحّه الروح أبو فاضل الأجل احسین و عیاله
***

بدون دیدگاه