.
 کد مطلب : 296         گروه :  296         تاریخ انتشار :  ۲۷ دی ۱۳۹۴         دیدگاه :  دیدگاه       

یصعب اعلی الناس

یِصعَب اعلَی الناس یصعب موت کل شاعر لبیب وصَعب من الصعِب موت العبقري الواعي الأدیب *** یصعب اعلَی الناس فگد الشعر و الینظم أشعار الشعر یرفع راس باس الشرف و یزید الفخار الشعر چالنبراس یضوي الشعر نور الشعر نار الشعر سیفک من تسلّه و رمحک ابیوم العَصیب *** الشعر غارات العوادي اعلیَ الأعادی ابیوم ضیج […]

IMG_0138

یِصعَب اعلَی الناس یصعب موت کل شاعر لبیب
وصَعب من الصعِب موت العبقري الواعي الأدیب
***
یصعب اعلَی الناس فگد الشعر و الینظم أشعار
الشعر یرفع راس باس الشرف و یزید الفخار
الشعر چالنبراس یضوي الشعر نور الشعر نار
الشعر سیفک من تسلّه و رمحک ابیوم العَصیب
***
الشعر غارات العوادي اعلیَ الأعادی ابیوم ضیج
الشعر شعرِ السشل هنادي الشعِرلِشعورِ الصدیج
الشعر سلوة مشی ابوادي الشعِر اهوه اهوه الرفیج
لو مشیت ابدرب وحدک اهوه لک أحسن صحیب
***
 الشعر راده بکل إراده الحاز کل معنَی الشعور
الشعر رَوح من السعاده و عِطر للشمّه و بُخور
الشعر صاغ أجمل اگلاده الجید غاده التشع النور
الشعر نَسمَت ثغر بسنه الجابت امن الورد طیب
***
الشعر لاح ابظهر عَشمه و صاح وینه العلَي صاح
الشعر لِتهلهل اتحشمه ایصونها اببیض الصفاح
الشعر لا تحچیه غِشمه الما تِهز سُمر الرماح  
الشعر عندی الدوم تردي اطواب معناه و تصیب
***
الشعر وابل مطر و مسي و هطل بیّام الربیع
الشعر إسمک یخَي . سمي الیظل ثابت ما یضیع
الشعر حرّک عود جسمي ابحین رش طیب البدیع
اعلَی الخمیله البیها غنّه و صدح صوت العندلیب
***
الشعر ذوق أهاي و بلادي و رایه و حچایه و خبر
الشعر سیل الجره ابوادي الما یطّراد انعبر
الشعر نادي و ضیف بادي و دلّه و مضیف و سَمَر
الشعر لو بي حده الحادي اتگوم تتمایل النیب
***
الشعر صاغه الذکي الواعي اللّمس لچمات الجروح
الشعر عز شوقي و سماعي الشعر رَوحي الشعر رُوح
الشعر بي یغرم الراعي الصحَی ابساعات السروح
الهُودر بروض المراعي و مَعتنه ابسطوت الذیب
***
الشعر بي نوِه الهادي و گال بی حِکمه و نفع
الشعر برَّد لظَی افوادي ابماي راي اشمل ورع
الشعر لتأیده الأیادي و تود بِالعزیرتفع
الشعر لِتحف بیه أهله الما ابوادي الذّل یسیب
***
الشعر أغلاالجنس جنسه الشعر دیباجَه فخر
الشعر لذّه الشعر ونسه الشعر بالنادي ازدهر
الشعر بی جادت الخنسه الحچت بیه ابحگ صخر
الشعر أصبح وضحَی و مسیَ اتضيء شمسه و ماتغیب
***
الشعر نجم اسهیل خدّه المن لمع جفّل الخیل
الشعر لِیخز حیل ضدّه ابامض و گوه و أشد حیل
الشعر سِن مرهفه و حِدّه و بي علیَ الجادلک مِیل
و بعده عن فَی گرُب حدّه و لایضل یمّک جریب
 ***
الشعر أوزان و قوافي الشعر میزان الکلام
الشعر ماهو ریح صافي الینگل امذمّت مَلام
الشعر مایوعیه غافي النومت أهل الکهف نام
الشعر لو عافوه أهله وداعتک یصبح غریب
***
الشعر تحویه ابمشقّه و فکر وقّاد او وسیع
الشعر نظمه ایرید دِقّه ایحقّقه وعي المذیع
الشعر یهتز بید رقّه التهز کاروک الرضیع
خَل تغذط لااُم طفلها الشعِر لتغذّي حلیب
***
الشعر تهتم بیه ربعه و یهم موت الیفتهم
. العلِم محمود طبعه و یغث فگد أهل العلم
گلبي ما بنجبر صدعه ابفگد کل صاحب شهِم
مثل أبو ریسان أخونا الکامل الواعی انجیب
***
چان أبو ریسان زاچي و تقي او وفّاي و شریف
و چعبه بالارشاد لاچي و شعره موزون و لطیف
لاگت ابحلگه المحاچی و چان متواضع عفیف
ایعالج الناس بحکمته و چان بالمنطق طبیب
***
چان أبو ریسان غرضه و غایته خدمت الناس
وچان فرض الحگ یفرضه و یبني للمهضوم ساس
چان وهوه ابذاک مرضه ایگوم ویقدم الکاس
کاس معرفته و محبته وهاذ ماهو شی عجیب
***
الشاعر من ایموت خِلّه اتصیر بربوع الاشعار
المجد من یفوت وجده ایخلّف ابکل سلف نار
العبقري المنعوت فگده ایرش علیَ الوادم شرار
فگد أبو ریسان وجّ ابچبد سید احمد لهیب
***
و بالختام أشکر الساده و أگل کل گومي الحضور
الله یرحم خان زاده و یجعل ابمثواه نور
اصبحت بید ابنه القیاده النفل ریسان الغیور
شاب واعي و اجتکاعي او ولد محبوب و حبیب
***
 

نظرات کاربران :