.
 کد مطلب : 288         گروه :  288         تاریخ انتشار :  ۲۷ دی ۱۳۹۴         دیدگاه :  بدون دیدگاه       

یا طارشي ابمسراک

یا طارشي بمسراک عجّل یسیّار و بظهر مُهرک لُوح گبل ان تِعنّه هِمّه بمسیره و سیر لیلک و لِنهار بسرع گصدی یکون توصل البنّه الزم یمین الزور لا تلزم ایسار بي خطر درب الزور لي لَتِّدَنَّه نادي بدرها و صیح یا بدر القمار یالمنّه قط ما خاب ظن التعنّه گلّه اعله جار افلان طاقي البلد […]

IMG_0141

یا طارشي بمسراک عجّل یسیّار
و بظهر مُهرک لُوح گبل ان تِعنّه
هِمّه بمسیره و سیر لیلک و لِنهار
بسرع گصدی یکون توصل البنّه
الزم یمین الزور لا تلزم ایسار
بي خطر درب الزور لي لَتِّدَنَّه
نادي بدرها و صیح یا بدر القمار
یالمنّه قط ما خاب ظن التعنّه
گلّه اعله جار افلان طاقي البلد جار
بس یسمع بن الحید یِطرگ نزلنه
ذِل گومه عنده مچید مایقبل العار
چم عایل بغارات من عَزمه شنّه
یالوصل صیته و شاع في کلّ المصار
یالبسمه حادي العیس بالعیس غنّه
یالبي من الزینات کلشي حَسَن صار
رضّه البعد بالجود غیر التدنّه
یاروض الممحلین یمعنِّز الجار
بالسلف فعل الجود فل چفه سَنّه
ابراحه . أمان اننام حارسنه مغوار
مُرّ السَهَر و الخواف ما مر جفنَّه
لجل الصدیق ایهیج لو فزّعه الثار
مشتعلت من الغیر مشتعله مِنّه
بوّل سرب تلگاه جیدومه سِمسار
بالمعرکه من اتصیر للفشگ رَنّه
لاح بظهر وذنان ما سُبگته امهار
کردس خیول الشوس ما کردسنّه
رحّه الوغه من تدیر بچفوفه تندار
و یگنطر الجیمات ما گنطرنّه
یشبه السبع الزور یوم الّذي زار
بالثایه ینهم دوم و بحدها ثنّه
یدّه لاأسد سلطان یوم العلي ثار
ذاک الأسد خلّاه بالدم  تَحنّه
خلفت اُسود حیود و مخلّف أحرار
حدهم ازمور و تفاگ عِزهم حِمنّه
چفّه الجوي لچفوف عدوانه هصّار
مالِون چفّه چفوف لا ما لِونّه
من حلّگ بجوباس وصّفته شنقار
عنّه یتعد کل طیر و صگَر بچنّه
من عزمه ینسل سیف کلوکته بتّار
برگاب المبغضین دایم یسنّه
عدوانه مشتعلین خلّاهم بنار
بفکاره ممتحنین حارو بفنّه
لو جابلوهِ کباریحسبهم زغار
بلسانه یغلب دوم لا بالأسِنّه
شما طالو بملفوظ ینظرهم گصار
فنّ الحچي بي فاز شخصه التأَنّه
فاز الگصد مغناه ولّي اِله زار
رد حصّل شما راد و شما شِفنّه
و لو جا مریض نگیض و بفکره محتار
داوا حنش بالجود و یدیه شِفنّه
ینظر وسط و یمین و یعاین ایسار
بالیَمّه حَس شِیرید و الغادي عَنّه
اهوه الاخو الوفّاي و المخلص البار
و هوه الرجه النرجاه وِلّي نظنّه
لو بحر مُشکل فاض بس اهوه بحّار
 موجات الیکرهون ما غَرّگنّه   
  مُرکب نجاته الراي سکّانه لَفکار
یندل مَحاري الحُول عارف بسِنّه
بِدیرّة هالعُربان لا تزرع شجار
بسماته اهنه ورود و خلاقه جنّه
او لو رادَت تشم طیب من طیبِ الازهار
من چفّه تشتم طیب جُود المحنّه
ضحچاته الها شجار و خلاقه لَثمار
یزهي الثمر بچفوف عَربَه الجننّه
من إسمه العله بالصّیت حصّلنه عتبار
ینکرم کِلّ مچان بسمه التچنّه
أفعال الشرف والجاه عَلّنله شنیار
وَ یدِي المچارم دوم عِز لَبسنّه
صَدعن حچي مغرضین و خبار الأشرار
مَیهِز جبل ثهلان حچي المزنّه
یمشي یطریج أشراف و بمسلک أخیار
طبعه الخجل و الجُود و العفّه فنّه
جدمه الزچي حاشاه ما داسِ الأقذار
تخسه المخازي بشین ماد نسنّه
یاربنه خلّي الشیخ شمعه النه بالدّار
و حفظ أسرنه و زیح کل بلوه عنّه
نتهنّه بیه نرید و نزیح الکدار
عونه الگعد ویّاه والبي تهنّه
***

بدون دیدگاه