.
 کد مطلب : 286         گروه :  286         تاریخ انتشار :  ۲۷ دی ۱۳۹۴         دیدگاه :  بدون دیدگاه       

مدّه چنت أنخه القریحه

مدّه چنت أنخه القریحه و دوم أگلها أرجوچ جیدی حتّه أخط شعرچ ابدم روحي من ایشف دم وریدي یالقریحه أرجوچ جیدي    یالقریحه أرجوچ جیدي الدرو الأوّل یالقریحه المن زمان انسد علی البسمات بابچ یاقریحه الما لسان اشعور شِعر الفهم عابچ یالقریحه البگه مشبک بلأسه سُبّگ خِطابچ یالقریحه السلتي دم من قید زِنزانَة عذابچ یالقریحه الهد […]

IMG_0142

مدّه چنت أنخه القریحه و دوم أگلها أرجوچ جیدی
حتّه أخط شعرچ ابدم روحي من ایشف دم وریدي
یالقریحه أرجوچ جیدي    یالقریحه أرجوچ جیدي
الدرو الأوّل
یالقریحه المن زمان انسد علی البسمات بابچ
یاقریحه الما لسان اشعور شِعر الفهم عابچ
یالقریحه البگه مشبک بلأسه سُبّگ خِطابچ
یالقریحه السلتي دم من قید زِنزانَة عذابچ
یالقریحه الهد جبل ثهلان هَم شدّة مُصابچ
یالقریحه الچنتي من تِغزین جیش الشر یهابچ
یالقریحه الجِزِر مَدّ امسامري ابمدَّة غِیابچ
یالقریحه الما سمح وکتچ بصب وابل سَحابچ
یالقریحه یالبیچ وِد أهلِ المودَّه التوِد شَابچ
یالقریحه الفرگعچ چانون أهل ودّي وأذابچ
یالقریحه الماسمع حادي الحده ضجَّة عتابچ
یالقریحه البین بات اطرش و لا یسمع جوابچ
یالقریحه بعین شخص الزین سهم البین صابچ
یالقریحه الصرتي محترجه بجمر فرگة أحبابچ
یالقریحه أرجوچ صیحي و صرّحي بصوت اکتئابچ
صیحي هلیوم أربعینک سیّدي و فخري و عمیدي
یا سَمه الدیجور مُور بدهشتک یا أرض مِیدي
***
الدورُ الثاني
اي و حگَّک سیّدي و حگ التُقی النوّر جبینک
اي و حق عَطفک المشروک بلطف رِجَّة حنینک
اي یمن طبعک عَلَه ربعک نِثر شوباش زینک
انته بالما مَس رِداک الباطِل ابمُدَّة سنینک
انته شانک دوم عالي و یخسه یخسه الوَد یهینک
انته چلمة شین لا لا ما گِلت معدوم شینک
انته یالزاچي النجیب البالکرامه نعین طینک
انه چان الشرف خِلّک انه چان العِز قَرِینک
انته مدَّة بحر جُود انته السخس ابمدَّت یمینک
انته چنت الگسوره انته و چان بیتِ العِز عَرینک
انته شمعة مجلس الدِین العله بنیان دِینک
انته عالِمنا التَقي البِالله تَم ثابت یقینک
انته چنت اتزیّن المجلس المجلس مایزینک
جَنَّة طباعک حِلتلي اببسمتک و بدمع عینک
اِي و حگ لیلَة رحیلک اِي و حگ یوم أربعینک
ألم فگدت صدع قلبي و أثّر ابگومي و عجیدي
احتار ما انصفک وفي و عِیَز من مدحک حمیدي
یالقریحه أرجوچ جیدي     یالقریحه أرجوچ جیدي
***
الدورُ الثالث
اِي یَمن عن علمک و فهمک تفاخرنا بحچینه
و چنّه نسئّل دوم عن صحتک و لِمبَشّر یجینه
ایگول صِحيِ السیّد أشوه و حالته الیوم زینه
إلک یا ما رُوس کشّفنه و بِلخِلاص اندعینه
اتموت ماردناک هسّه اتموت بس ما صح بدینه
اِنته یا الإسمک سِمَه بمعروف و متاز ابیقینه
و علّمتنه خلاق طهاها و درِستنه احکام دینه
انته ابنه و ابن دینه و عین عاطفته و ییمینه
الدین بیک انضاب هلیوم و طفت شمعات عینه
یوم فگدک صعب یبن المرتضی حیدر علینه
نعشک الشلناه متبلّل غِده ابوابل بچینه
و صوت نایحنه تعثّر بالأسه و عَرگل مشینه
و هظل ضجّتنه عِله فوق السه الغیّم علینه
و صبحت تبچیک حتّه أم العُلَه و باتت حزینه
و صحت آنه بصوت وجدِي الشعر مایجدي و قصیدي
و صرت أگل روحي دِنوحي العُمُر کلّه و لا تهیدي
یالقریحه أرجوچ جیدي   یالقریحه أرجوچ جیدي
***
الدورُ الرابع
انعزّي الساده اباُبُوهُم جینه و نگلهم یساده
  الخلف بیکم و لالصبر عِدکم و الکُم بیه عاده
وِفد والِدکم عله الرّحمان و الرّحمان راده
ما خذه زاد الطریجه التقوی و المعروف زاده
 زرع والدکم مَحبّه و چان حَبِّ الحُب حصاده
امحبّة النّاس الها قیمه و بیها کل معنا الافاده
ابثمر حُبِّ النّاس یحظه الکع عن الباطل جواده
یبگه حي ذِکره الزرع حُب و الشتل شِجرَة وِاداده
الزاچي الطیّب حلیبه امبَیِّن بیومِ الولاده
سَعَد حظّه الرِشد نفسه و هذّب النّاس ابرشاده
یالنزارییّن بیکم بیتکم ثلبت عماده
البیت اِنتم اِنتم أهله و اِلکم العِز و القِیاده
البیت بي سیّد شعاع الحاز مفخرةِ السیاده
اهوه درّه بجید حُرّه الساطعه و عین الگِلاده
و بالختام الکم یساده من الکریم أرجو السعاده
و رجو اتقبلون تأبیني و نظم شعري و نشیدي
ورجو یوم المحشر من تعثَّؤ اتلزمون ایدي
یالقریحه أرجوچ جیدي    یالقریحه أرجوچ جیدي

بدون دیدگاه