.
 کد مطلب : 294         گروه :  294         تاریخ انتشار :  ۲۷ دی ۱۳۹۴         دیدگاه :  بدون دیدگاه       

صدّت للافق زینب

قصیدة اول لیلة من شهر محرّم و خطاب العقیله زینب (ع) للهلال صدّت للأفق زینب و منها العین همّاله من شافت شهر عاشور بیّن بالسما أهلاله *** من شافت شهر عاشور حس بالخطر منها البال وگفت حایره و تگول هلیّت ابحزن یَهلال یَهلال المصایب بیک ننصاب ابمحن وَهوال بیک انشوف أصعب یوم مثل الحشر وَهواله […]

IMG_0107

قصیدة اول لیلة من شهر محرّم و خطاب العقیله زینب (ع) للهلال

صدّت للأفق زینب و منها العین همّاله
من شافت شهر عاشور بیّن بالسما أهلاله
***
من شافت شهر عاشور حس بالخطر منها البال
وگفت حایره و تگول هلیّت ابحزن یَهلال
یَهلال المصایب بیک ننصاب ابمحن وَهوال
بیک انشوف أصعب یوم مثل الحشر وَهواله
***
یهلال الشوم الکَدَر یالبیک نتحمّل هضم و هموم
ریتک کون ماهلیّت دِغرُب یاهلال الشوم
بیک اشگد لبو السجّاد یوم الطف تسیل ادموم
و تها دمعة أم چلثوم حین ایودّع اعیاله
***
یهلال المحرّم بیک تتجمّع علینا اصفوف
عسکر من بني سفیان یلفینا ابسَرَب و حتوف
جیش الطاغي ابن ازیاد یحشدها ابجنه و سیوف
یمنع علی احسین المای و تظل ظامیه أطفاله
***
عسکرهم یرید احسین مدَّت ذِل یمد ایده
و یبایع یزید ایکون یلوی اعلَی الهضم جیده
وَدری ابعزم أبو السجّاد عیش الهضم مَیریده  
بالعِز بس یرید ایعیش دونه الموت یحلاله
***
شي ما صار قبل الطف أشوفه ایصیر یوم الطف
أدري ابجیشها الحشّد علینا ابقوّته یزحف
وِبن اُمي الشهید احسین دون اخیامنا یوگف
یتچنّه و یسدر الجیش بالأنصار و رجاله
***
أدری بیوم عاشر یوم بي یدوي ابسماها الوید
بي حتماً یچلچل غیم بي یکثر برگ و رعید
بیه اسیوف بیه احتوف بي یندهش عزم الصِید
بي یغدي العجید ابعید یرجف رعُب دلّاله
***
و حسین ابهله الطیبین وَنصاره و جمع گومه
وَدری ابباس أبو الفضل الباتت شایعه اعلومه
یفنی انفوس ینثر روس ینظم شوس عسّاله
***
وَدري ابن الحسن جاسم البِالعِز زاد نوماسه
رخصه احسین من ینطیه یشعلها ابجمر باسه
اسم الله اعلیه بالمیدان لو فرّع شعر راسه
شاب ابن اهدعش مدرع و مطوس یا سعد فاله
***
وَدری ابشبل أخوی احسین ما یتحمّل العیله
کفوین ابعلي الأکبر یچردسها ابعزم حیله
بي یستر أبو السجاد و تهلهل فرح لیله
چنّه المرتضی ابملگاه مِن شد علی الخیّاله
***
لاچن بعد مایدّون بالطَّف واجبات الدین
و یراوون أهل سفیان سَطوَة حیدر ابصفّین
یهوون ابچسب نوماس فوگ التب دون احسین
و من احسیننا اعلی الگاع تجری ادموم سیّاله
***
یَهلال اشأسولِفلک منهم لا کهل لا شاب
محّد یظل ویّا احسین و یظل هدف للنشّات
وَدري احسین أخوي احسین بموسط الگلب ینصاب
بالطَّف حرمله من ایصیب ما تخطي الحشه انباله
***
دِنشِدنی و بعد شیصیر و شیو گع بعد یهلال
تخلص کل بني هاشم و منهم ما یظل رجّال
وبن اُمي العزیز احسین راسه اعلی الرمح ینشال
یفجعنه الشمر بالرّاس لو حَز منحره و شاله
***
و جسوم أخوتي الأمجاد یمّي امطرّحه بالبر
تبگه اعلی الصعید أیّام تِصهرها الشمس و الحر
جسم الجاسم و عباس و حسین و علي لکبر
یوم الطف یغسّلهن اغبار الریح و رماله
***
یهلال و نظل یا حیف بعد الأهل بس نسوان
تصوّل علینا الگوم و تشب بالخیم نیران
و الیبره الظعنّه ایصیر بعد العِز زجر و سنان
باري الهالظعن عباس غضباً زجر یبراله
***

بدون دیدگاه