.
 کد مطلب : 298         گروه :  298         تاریخ انتشار :  ۲۷ دی ۱۳۹۴         دیدگاه :  بدون دیدگاه       

العلم و الجهل

بمناسبه مولد رسول الاکرم (ص) فکر کل انسان یتعب لو بلاحظة بمشاکل جهل جاره الجهل شبه الیل الأظلم و العلم نبراس و براس المناره الما علگ للفهم شمعه و لا ضوت بالعلم داره ایگضّی عمره بغیر ثَمره و عاقبة أمره الخساره الدور الأوّل الجهل ماتسمع أخباره إشصنع بالحاره الجمیله اشفعل و شعل و ششعل من […]

DSC_1450

بمناسبه مولد رسول الاکرم (ص)
فکر کل انسان یتعب لو بلاحظة بمشاکل جهل جاره
الجهل شبه الیل الأظلم و العلم نبراس و براس المناره
الما علگ للفهم شمعه و لا ضوت بالعلم داره
ایگضّی عمره بغیر ثَمره و عاقبة أمره الخساره
الدور الأوّل
الجهل ماتسمع أخباره إشصنع بالحاره الجمیله
اشفعل و شعل و ششعل من نار بزهار الخمیله
اشهدر من دم وِ شهدم و شزم ضرر طوفان سیله
 الجهل دمر عز بلادی بصاجعه و یمَر نخیله
الجهل للشر سل هنادي بحقد مسنونه و صقیله
الجهل سم رگطةِ الوادی الگرصت سوادي بدلیله
الجهل اضری من الضواري التفرس بوثبات غیلة
الجهل دوم عزوم مُهره و شالش الدنیا بصهیله
الجهل بشر غزه و یغزي و توصل الکل سلف خیله
الجهل اتعس یوم یومه و انحس من النحِس لیله
الجهل أخبث مرض مُسري و سره و یسري الکل القبیله
الجهل کل إریاح طبعه التهب مکروهه و ثقیله
الجهل سوگ اربَاح خِدعه و فخ مغشّه و شِبَچ حیله
الجهل تخمد کون ناره و ینگطع دابر سَبیله
الجهل لا غیره بضمیره و لاحیه و عفّه و فضیله
الجهل بس یعرف قباحه و چذب و وکاحه و رذیله
الجهل راس الحگ ینکسه و راس کل باطل یشیله
الجهل بس لَحمق رفیجه یشوره و یزوره و یجیله
الجهل ساسه من النحاسه و راسه ما چف عگل داره
و شنهی مصلحته بداره الخلصّت بعرکه و شهاره
ایگضّي عمره بغیر ثمره و عابقة أمره الخساراه
الدور الثانی
العلم شمعه العِلم لاله العلِم بدرِ التَم کماله
العلم محبوبي و حبیبي السهرن اعیوني الوصاله
العلم مطلوبی و نصیبي الما مَثَل یشبه مِثاله
العلم أجمل من حبیببي الیفخر بروعة جماله
العلم بات ببیت فکري و بِتِت بشعوره و خیاله
العلم فشکل طود همّي و زاح کل غمّي و أزاله
العلم رصع دُر یَراعه بمَتِن گرطاس الرساله
العلم نور إدراک واعي الما عثر جدمه بضلاله
العلم یحوي الحِلم طبعه و یحتوي علی الصبر باله
العلم بي یسکَرالصاحی الشرب من کوثر زلاله
العلم لو لا العلم ماشع نور بالدنیا و تَلاله
العلم اهوه النسج حِلّه الکل رشا الماس بدلاله
العلم اهوه الصاغ زینه و زیّن الیسبي اختیاله
العلم لابس صُنِع صَنعه الحِلَت بیمینه و شماله
العلم بی عرفان ربنا و أحمد المختار و آله
العلم عنا یگول طه یگول طلبو من رجاله  
و علم فقه الدین نعمه و معرفه و حکمه و عَداله
انعرف بلمعروف طبعه و بالتقی امتازت خصاله
و لیش ضل مبتعد عنّه الما عرف غیر الجهاله
و لیش ما یشبُگ محبته بگلبه و یمینه و یساره
اشینتظر شنهو انتظاره اشیعتذر شنهو اعتذاره
ایگضّي عمره بغیر ثُمره و عاقبة أمره الخساره
الدور الثالث
العلم کل معناه کلّه انجمع و انخطّت سطوره
بنور غرّه سید الکون البزغ للخلگ نوره
بمهجه الهادي العِلم مخزون و ببهجة سروره
الیله غاض البُطُل و الحگ فاض بشطوطه و بحوره
اللیله بالفردوس زینه و غدت تراگص قصوره
ازدهی بولدانه و جِنانه و حِسنه وِ حسانه و حُبوره
و تلت آیات التهاني بکل معاني الفرح حوره
و گام حِس داوود یشدي یلطف ترتیله بزَبوره  
و صفگت أشجاره الجمیله و شبگت اطیوره و زهوره
و حوض روض الخلد صار یسیل سلساله وخموره
و کوثره و منهل رحیقه و عنبره و مسکه و بخوره
و رَوح ریحانه و جُمانه و نسمِته و بسنة عطوره
اللیله عرش الکفر یهوي یهاویه و ینهدم سوره
اللیله تشرگ شمس رحمه و یهلک الطاغي بفجوره
 اللیله شع فرقد مسرّه تعلّا و تجلّی بظهوره
اللیله یرهش سَما الفرحه بطلعت نجومه و بدوره
اللیله طل موجود بهجه بأکمل أجمل و أجل صوره
اللیله أبو طالب یضیفه الفخر بمضیفه و یزوره
و ینولد مولود زاچی لآمنه الحرّه الطهوره
الما عرف طه و عترته و لا گره المعناه صوره
انعرف عد مرته و أسرته مخبِل و فاجد شعوره
و لَوَن مایدري اشأگلّه و لا عرف هاي الاشاره
و یظل متدنّس بجهله و راغ عن معنی الطهاره
ایگضّي عمره بغیر ثمره و عاقبة أمره الخساره

بدون دیدگاه