.
 کد مطلب : 282         گروه :  282         تاریخ انتشار :  ۲۷ دی ۱۳۹۴         دیدگاه :  بدون دیدگاه       

الحسین ( علیه السلام )

حسین سَل سیفه و لِکَدها اِبغاره لَمَّـن اتـذَبِّحَت کـل اَنصـاره * * * لمّـن اِتذَبـِحَت کِـل شــبّانه او ما بُگه ضرغـــام مِن خوانه غار اَبو الغیره او رگه اعلا احصانه للحَرب طَب غضَب سَعَّر ناره *** للحرب طَب والشبه عَزمه انتضه جالها او ضَیَّگ ابعگداهه الفَضه صاح أنه ابن اللیث شِبل المُرتضی مَفَر ماکو الیوم […]

IMG_0168

حسین سَل سیفه و لِکَدها اِبغاره

لَمَّـن اتـذَبِّحَت کـل اَنصـاره
* * *
لمّـن اِتذَبـِحَت کِـل شــبّانه

او ما بُگه ضرغـــام مِن خوانه
غار اَبو الغیره او رگه اعلا احصانه

للحَرب طَب غضَب سَعَّر ناره

***
للحرب طَب والشبه عَزمه انتضه

جالها او ضَیَّگ ابعگداهه الفَضه
صاح أنه ابن اللیث شِبل المُرتضی

مَفَر ماکو الیوم یا غَدَّاره

***
مَفَر ماکو الیوم ما یِحصَل دَرُب

للیرید ایروغ عَن نار الحَرُب
خَلّه دَمع اگحومهه او دَمها یصب

زَعَل زَلزَلها او بگَت مِحتاره

***
زَعَل زَلزَل حَط زَلازِل بالعِده

او مِن صطوته الکون لیل اَظلَم غِده
خطَف کِثَره اَرواح بَرگ اِمهَنِّده

او خاض بَحر الکون بیده او داره

***
خاض بَحر الکون بیده او طَفـّحه

دارهه او فَرهه شِبِه دُور الرحه
زال چَم دِرچال چَم صَف زَحزَحه

نار وَج بیـها او غِدَت گبـّـاره

***
نار وَج بِلوَهَج وَج بِلوَهَج نار

او علا اموسّط گلب گَلب الجیش غار
ابصَرخِته ابلا گلب خَلّه الگلب صار

الگلب داره او یَمنِته ویساره

***
طَعَن بَسمَرقنه او قَد بَبیَض حُتُوف

غار مَهره او هاج بمواج الصفوف
خَلّه ذاک الیوم بیه اصبَح کسوف

اِمن التراب الصار عالی اغباره

***
ریح صَرصَر صاجعه او خر علا الگوم

رِجَز خَز حَز روس مِن شوس الگروم
صَگر چَنّه الحید المچَنـّـه او یحوم

ابمرکز الحومه العِلَن شنیاره

***
أسَد أصیَد صَـد گِصَد مَـرَّد الشوس

لِکَـد هَد شَد شِده شَـرَّد حِصَد روس
بطل جـَدّل چِتَـل جَندَل فِنَه انفوس

طبَـر طَشـَّـر طَر شِطَـر بتـّـاره

***
سِطَع ضَعضَع رِضَع رمحه امن الجسام

حِلَف رَجـَّـف هَف نِسَف لَف لَف اعلام
زهَگ و ارهَـگ طَگ طبَگ شَگ شَرگ هام

صَـک طـلایعـها و غِدَت عَثـّـاره

***
دِعَس نَکـَّـس کَر دِمَس کَردَس ابطال

سیفه صَب دَم رِدَم دَمدَم عِدَم زال
غِضَب ضَهضَب ضرب سَم صَب فِنـه ارجال

بالـوغه ایکر شِبه کَر کَرّاره

***
لو لا المقَدَّر او ضَل ساعه بَعَد

چا فِناهه ابصارمه الحید الأسد
لچَن رَبـَّک شاء چَتله او بالخلد

حَب یِسـکنـه او یِغـفر الزوّاره

بدون دیدگاه